പഴമക്കാര് നമുക്ക് സമ്മാനിച്ച ഒരുപാട് പഴഞ്ചൊല്ലുകളുടെ കൂട്ടത്തിന് വളരെ ജനകീയമായ ഒന്നാണല്ലോ ‘എലിയെ പേടിച്ച് ഇല്ലം ചുടുക’ എന്നത്. വര്ത്തമാനകാലത്ത് വളരെ പ്രസക്തമായ ഒന്നാണ് ഇത്. നമ്മുടെ രാജ്യത്തിന്റെ ശാപമാണ് ഇവിടുത്തെ രാഷ് ട്രീയക്കാരും മതപുരോഹിതരും ഒക്കെ. ഇക്കാര്യം ‘ഓഷോ’ വളരെ മുന്പ് തന്നെ പറഞ്ഞിട്ടുണ്ട്. നാടിന് ഇക്കൂട്ടരെക്കൊണ്ട് ഒരു പ്രയോജനവുമില്ല.
മലപ്പുറത്തെ വിഷക്കള്ള് ദുരന്തം സംസ്ഥാന സര്ക്കാരിന്റെ തലതിരിഞ്ഞ അബ്കാരി നയം കൊണ്ട് സംഭവിച്ചതാണ്. കള്ള് ഷാപ്പുകളുടെ എണ്ണം മൂന്നിലൊന്ന് കുറച്ച കഴിഞ്ഞ സര്ക്കാരിന്റെ നടപടി റദ്ദാക്കിക്കൊണ്ടാണ്, ഉത്പാദനവുമായി ഒരുതരത്തിലും നീതീകരിക്കാനാകാത്തവിധം ഇവിടെ കള്ള് ഷാപ്പുകള് അനുവദിച്ചത്. സമൂഹത്തില് ലഹരിമരുന്നിന്റെയും മദ്യത്തിന്റെയും വ്യാപനം ഭീകരമാംവിധം വര്ധിച്ചപ്പോള് പടിപടിയായെങ്കിലും കുറവുചെയ്യാന് മുന്പ് സര്ക്കാര് ചാരായനിരോധനം ഏര്പ്പെടുത്തി. അത് വലിയ പാതകമായിപ്പോയി എന്നാണ് ഇപ്പോഴും പലരും അവസരം കിട്ടുമ്പോഴെല്ലാം പറയുന്നത്. ചാരായഷാപ്പുകള് പൂട്ടിയതിനെ തുടര്ന്ന് തൊഴില്രഹിതരായി തീര്ന്നവരെ പുനരധിവസിപ്പിക്കാനെന്ന പേരില് ലക്കും ലഗാനുമില്ലാതെ നാടുനീളെ കള്ളുഷാപ്പുകള് അനുവദിച്ചതാണ് വിനയായത്. വിഷം വിറ്റ് സമൂഹത്തെ തകര്ക്കുന്ന ജോലി ചെയ്തവര്ക്ക് മാന്യവും മഹിമയുമുള്ള തൊഴില് കണ്ടുപിടിച്ച് നല്കുന്നതിന് പകരം മദ്യവില്പന മാത്രമേ ഏല്പിക്കൂ എന്നത് എവിടുത്തെ നയം?
ഇപ്പോള് , ശരിയായ രീതിയില് അന്വേഷണം നടത്തി കുറ്റക്കാരെ കണ്ടെത്തിയാല് അത്, രാഷ്ട്രീയ പ്രമുഖരെ കുടുക്കുമെന്ന് അറിയാവുന്നത് കൊണ്ടായിരിക്കും വിഡ്ഢിത്തങ്ങളും വിവാദങ്ങളും പരത്തി ജനശ്രദ്ധ തിരിച്ചുവിടാന് ശ്രമിക്കുന്നത്. ദുരന്തത്തിന് കാരണമായ കള്ള് കൊണ്ട് വന്നത് പാലക്കാട് ചിറ്റൂര് നിന്നാണെന്ന് കണ്ടുപിടിച്ചു, വളരെ നല്ലത്. പക്ഷേ, ഇപ്പോള് ചെയ്ത വിഡ്ഢിത്തം കണ്ടോ. ചിറ്റൂര് നിന്നുള്ള കള്ളിന് നിരോധനം. ഫലമോ, കേരളത്തില് ഏറ്റവും കൂടുതല് കള്ളുല്പാദിപ്പിക്കുന്ന ചിറ്റൂരിലെ സാധാരണ ചെത്ത് തൊഴിലാളികള് പട്ടിണിയില് . ഇതാണോ ശരിയായ പോംവഴി?
ചിറ്റൂരില് നിന്ന് വന്ന കള്ളാണ് വില്ലന് എന്നത് ശരിയാണെങ്കില് തന്നെ, അതിന് ചിറ്റൂര് മുഴുവന് ശിക്ഷിക്കപ്പെടണോ? ചിറ്റൂര് നിന്നുള്ള കള്ള് പ്രത്യേകം പരിശോധിച്ച് വിതരണം ചെയ്താല് പോരേ? കേരളത്തില് ഉല്പാദിപ്പിക്കുന്നതിന്റെ എത്രയോ ഇരട്ടി കള്ള് വില്ക്കാന് ഇവിടെ പെര്മിറ്റ് നല്കി, നാട് മുഴുവന് റേഷന് കടകളും മാവേലി സ്റ്റോറുകളും ഇല്ലെങ്കില് പോലും മുക്കിനു മുക്കിനു കള്ള് ഷാപ്പ് ഉണ്ടെന്ന് ഉറപ്പ് വരുത്തിയതാണ് ഈ പാതകത്തിന് കാരണം. ഒരു സ്ഥലത്ത് കള്ളില് വിഷം കലര്ന്നത് കൊണ്ട് ഇനി ആ വിതരണക്കാരന്റെ ദേശത്ത് നിന്നുള്ള കള്ള് മുഴുവന് നിരോധിക്കണം എന്ന് പറയുന്നത് ശുദ്ധ വിവരക്കേടാണ്...എലിയെ പേടിച്ച് ഇല്ലം ചുടുന്നു !!!! ….
ഇത് തന്നെയാണ് ലോട്ടറിയുടെ കാര്യത്തിലും സംഭവിച്ചത്. അന്യ സംസ്ഥാന ലോട്ടറിയെ നിയമാരുസൃതമായി തടയാന് കഴിവില്ലാത്തതിന്നാല് നമ്മുടെ ലോട്ടറി തന്നെ നിര്ത്തലാക്കി. എന്നിട്ട് എല്ലാത്തിനും കേന്ദ്രത്തിനെ കുറ്റവും പറയുന്നു. മദനിയെ അറസ്റ്റ് ചെയ്യാന് കര്ണ്ണാടക സര്ക്കാര് ഔദ്യോഗികമായി കേരളത്തെ അറിയിച്ചില്ലെന്ന് വിലപിക്കുന്നവര് എന്തുകൊണ്ട് അന്യസംസ്ഥാന ലോട്ടറികള്ക്കെതിരെ കേന്ദ്രത്തിന് ഔദ്യോഗികമായി പരാതി നല്കാന് മുതിരാതെ, സംസ്ഥാന ലോട്ടറിതന്നെ നശിപ്പിച്ച് പാവപ്പെട്ട, വികലാംഗരുള്പ്പെടെയുള്ള ലോട്ടറിക്കച്ചവടക്കാരെ വഴിയാധാരമാക്കി? ഇതിന്റെ പഴി മുഴുവന് കേന്ദ്രസര്ക്കാരിന്റെ തലയില് വച്ച് വൃത്തികെട്ട രാഷ് ട്രീയ ലാഭം നേടാനാണ് ബന്ധപ്പെട്ടവര് ശ്രമിച്ചത്..... എലിയെ പേടിച്ച് ഇല്ലം ചുടുന്നു !!!!! …..
കുറച്ച് നാള് മുന്പ് നാദാപുരം മേഖലയില് തുടരെ അക്രമസംഭവങ്ങള് ഉണ്ടായി. ബൈക്കിലെത്തിയാണ് അക്രമി സംഘങ്ങള് അഴിഞ്ഞാടിയത്. അന്ന് പൊലീസ് അധികാരികള് വിചിത്രയായൊരു ഉത്തരവിറക്കി...നാദാപുരത്ത് ബൈക്കില് ഒന്നിലധികം പേര് സഞ്ചരിക്കരുത്.....കഴിവില്ലായ്മക്കും കെടുകാര്യസ്ഥതക്കും പരിഹാരം ….. സാധാരണക്കാരുടെ വാഹനം, രണ്ട് പേര്ക്ക് സഞ്ചരിക്കാനുള്ള വാഹനത്തില് , കുറെ സാമൂഹ്യവിരുദ്ധന്മാരെ പേടിച്ച്, സുരക്ഷ ഉറപ്പക്കേണ്ട പൊലീസ് പറയുന്നു, ഒരാളില് കൂടുതല് സഞ്ചരിക്കരുതെന്ന് …. എലിയെ പേടിച്ച് ഇല്ലം ചുടുന്നു!!!!!....
മുന്പ്, വ്യാജ സി.ഡി വേട്ട അതിന്റെ മൂര്ദ്ധന്യത്തില് നിന്നപ്പോള് , ഏഷ്യാനെറ്റിലെ നമ്മള് തമ്മില് പരിപാടിയില് പങ്കെടുത്തുകൊണ്ട് ഒരു പ്രഗല്ഭന് നിര്ദ്ദേശിച്ച മറുമരുന്ന് ….. വഴിവക്കിലെ ചെറിയ സി.ഡി വില്പ്പനക്കാരെയെല്ലാം പിടിച്ച് അകത്താക്കണം ….പിന്നെ...പിന്നെയാണ് അമിട്ട് …. സംസ്ഥാനത്ത് പ്ലെയിന് സി.ഡി നിരോധിക്കണം....എലിയെ പേടിച്ച് ഇല്ലം ചുടുന്നു!!!!!!!......
സുഹൃത്തുക്കളേ, എങ്ങോട്ടാണ് നമ്മുടെ നാടിന്റെ പോക്ക്???? എലിയെ പേടിച്ച് ഇല്ലം ചുടുന്നവന്മാരുടെ അടിമകളായോ നമ്മളൊക്കെ???
ഇക്കണക്കിനു പോയാല് …...!!!!!
- കറിക്കത്തികൊണ്ട് വൃദ്ധയെ കൊലപ്പെടുത്തിയത് കൊണ്ട് കേരളത്തില് കറിക്കത്തി നിരോധിക്കും...!!!!!!.
- കാരണവരുടെ മരണത്തിനു കാരണം മരുമകള് ആയതിനാല് ഇനിമുതല് അച്ഛന് ജീവിച്ചിരുന്നാല് ആണ്മക്കളുടെ വിവാഹം നിരോധിക്കും..!!!!!.
- മൊബൈല് ഫോണിലൂടെ അസഭ്യം പറഞ്ഞതിനാല് മൊബൈല് ഫോണ് നിരോധിക്കും...!!!!!!!.
- ഒടുവില് …... മലയാള ഭാഷയില് തെറിവിളിച്ചതു കൊണ്ട് ഭാഷ തന്നെ നിരോധിച്ചേക്കാം..... എലിയെ പേടിച്ച് നമുക്ക് ഇല്ലങ്ങള് ചുട്ടു തീര്ക്കാം......അതായിരിക്കട്ടേ പുതിയ വിപ്ലവം....കേരളാ മോഡല് …..!!!!!!!.
എലിയെ പേടിച്ച് നമുക്ക് ഇല്ലങ്ങള് ചുട്ടു തീര്ക്കാം......അതായിരിക്കട്ടേ പുതിയ വിപ്ലവം....കേരളാ മോഡല് …..!!!!!!!.
ReplyDelete:)
ReplyDeleteചിലപ്പോൾ ചില ഇല്ലംതന്നെ ചുടണ്ടിവരും.
ReplyDeleteഎഴുത്തിലൂടെ പ്രതികരിച്ച രീതി നന്നായി..
ReplyDelete:-))
ReplyDeletekollaam
ReplyDeleteപ്രതികരണം നന്നായി.....
ReplyDeleteഇങ്ങിനെയാനെങ്കിൽ ചുടാൻ ഇല്ലങ്ങൾ ഇല്ലാതാവും അല്ലേ
എല്ലാം കൂടി കൂട്ടികെട്ടല്ലേ .. എന്റെ പ്രതികരണം ഇവിടെ
ReplyDelete